Në Microsoft Ignite 2023 kompania lançoi aplikacionin i cili lidhet me Windows 365 dhe pajisje të tjera.
Microsoft lançoi një aplikacion të ri quajtur “Windows App.” Ky aplikacion ju jep mundësi përdoruesve të lidhen me kompjuterët e tyre nga iPhone, iPad dhe pajisje të tjera. Ofron një mënyrë të sigurte lidhjeje në distancë me kompjuterët, aplikacionet virtuale apo desktopët e bërë të disponueshëm nga administratorët. Në Microsoft Ignite 2023 kompania lançoi aplikacionin i cili lidhet me Windows 365 dhe pajisje të tjera. Aktualisht aplikacioni është i disponueshëm në fazë eksperimentale dhe i disponueshëm për iOS, Windows, macOS. Aplikacioni ka një ndërfaqe që mund të përshtatet prej të cilës përdoruesit mund të aksesojnë shërbime të ndryshme cloud dhe kompjuterë remote. Ka mbështetjen për disa monitorë, rezolucione fikse ekrani, rezolucione dinamike, ridrejtim i elementëve periferikë etj. Në të kaluarën Microsoft ka ofruar aplikacionin Remote Desktop Connection në Windows, por aplikacioni Windows sinjalizon një adoptim më të gjerë të cloud. Aktualisht mund të përdoret vetëm nga llogaritë Enterprise ndërsa pritet që mbështetja të vijë edhe për konsumatorët me llogari personale. /PCWorld Albanian